Gasteizen ospatutako ‘5 urtez alternatibak lotuz’ hitzaldien bideoak: La Tuerka, Ateak Ireki, Kaos en la Red eta Faktoria Lilako kideekin

Pasa den abenduaren 13an, Alternatibak 5 urte bete zituen. 5 urte alternatibak lotuz eta Euskal Herriko ezkerra eraldatzearen alde egiten, mundua eraldatzen laguntzeko helburuarekin. Urtemugaren harira, hitzaldi sorta bat antolatu genuen Gasteiz, Bilbo eta Donostian. Hemen dira Gasteizko parte-hartzeak. Sentitzen dugu baina audio arazoak direla eta, Pablo Iglesiasen parte-hartzea ezin izan dugu partekatu.

Kaos en la Red-eko fundatzaile Manel Marquezen parte-hatzea. Marquez, lokaletik komunikatzearen beharraz hitz egiten digu, eta kontrainformazioak aurrera egiteko jendearen bebsa beharrezkoa duela esaten digu. Horrela ulertzen du berak komunikazioa: “Komunikazioa klase borroka da eta besteak irabazten ari diren arren, gu borrokan darraigu, oso garrantzitsua dena”.

Faktoria Lila, ikasketarako, sormenerako eta ekintza feministarako espazio digitalaren fundatzaile Irantzu Varela kazetariaren parte-hartzea. Bere hitzaldian Varelak, ohizko medioek altxatutako hesien gainetik, mezu feminista jendeari helarazteko sare sozialen eta interneten garrantziaz hitz egiten digu: “Sare sozialen oinarrizko koska, bitartekorik ez dagoela da. Mundu kapitalista eta patrialkal honetan, bitartekaritzak beti mugatzen du diskurtso feminista, baina internetek nahi dugun guztia idatzi eta esateko aukera ematen digu”.

Auzitegi Nazionalak itxi berri duen Ateak Ireki webgunearen kazetari Pituren (Miguel Ángel Llamas) parte-hartzea. Bere interbentzioan Pituk Apurtu.org-rekin gertatu zen bezalaxe, historia berriro errepikatu izana deitoratzen du. Gure historia propioa idaztearen garrantzia azpimarratzen du, eta horretarako, hori ahalbidetzen duten hedabideak bizirik mantentzeko garrantziaz egiten digu berba.