‘5 urtez alternatibak lotuz’ Bilboko hitzaldien bideoak SAT, Kaos en la Red eta CUP-eko kideekin

Pasa den abenduaren 13an, Alternatibak 5 urte bete zituen. 5 urte alternatibak lotuz eta Euskal Herriko ezkerra eraldatzearen alde egiten, mundua eraldatzen laguntzeko helburuarekin. Urtemugaren harira, hitzaldi sorta bat antolatu genuen Gasteiz, Bilbo eta Donostian. Hemen dira Bilboko parte-hartzeak:

Andaluziako Langileen Sindikatuko kide (SAT) Lola Cabelloren hitzaldia Bilbon. Cabello Kordobatik Euskal Herrira etorri zen Andaluziako borroka sindikalaz hitz egiteko; erabili gabeko landen okupazioaren bitartez, bere gobernuari lurrak herriarenak eta herriarentzat izan behar direla exijitzen dute.

Kaos en la Red-eko fundatzaile Manel Marquezen parte-hatzea. Marquez, politika beste modu batera egitea ahalbidetzerako orduan, langile klasearen borroka bultzatzearen garrantziaz eta beharraz hitz egin zigun. Hain zuzen, langile klasearen beharrei erantzuten dion politika egitea.

Candidatura d’Unitat Popular-eko (CUP) kide Alex Maymoren hitzaldia, Herrialde Katalanetan sistema honi aurre egiteko martxan jarri diren alternatibaz hitz egiteko. Maymok, sistemaren eraldaketaz aritu zen, hau lortzeko eraikuntza nazionala eta eraikuntza soziala giltza nagusiak izanik.

Alternatibaren bozeramaile nazional Oskar Matuteren sistemari aurre egiteko alternatiben inguruko hitzaldia. Matute, Andaluziako Langileen Sindikatuko kide (SAT) Lola Cabello, Kaos en la Red fundatzaile Manel Márquez eta CUPeko kide Alex Maymorekin batera eseri zen ekitaldiaren mahaian. Bere parte-hartzean, Matutek kapitalismoa herrien, ohituren eta ekonomia desberdinen harrapari gisa definitu zuen; maila desberdinaten oinarritutako zapalkuntzan oinarritzen den sistema libertizida, hain zuzen: nazionala, soziala, patriarkala…